Leikur næstkomandi þriðjudag við SÁÁ á Ásvöllum klukkan 21:00, mæting 45 mínútum fyrr.
Meldið ykkur hér.
Sælir drengir þá er komið að því. Hið frábæra golfmót Metro verður á föstudaginn og fer fyrsti ráshópur af stað klukkan 18.00 og er mæting því ekki seinna en 17.30. Gott væri ef að einhver gæti mætt klukkan 17.00 til að hjalpa Gusta við að raða i lið. Snyrtilegur klæðnaður er skylda. SMÁ BREYTING MÓTSGJALD ER 1500. kr OG FER UPPÍ VEITINGAR OG VERÐLAUN.
Þessir hafa skráð sig til leiks, ef einhverjar breytingar hafa orðið vinsamlegast látið vita.
Atli Sveinn
Ágúst Vallarstjóri
Baldur
Danni
Haffi
Hjörvar
Hrói
Kobbi
Kiddi (last years winner)
Stefnir
Sævar
Viktor
Víðir
Halldór Svavar
Óli þór
Óskar Atli
Glæsileg mæting, þeir sem eiga þess kost að koma með einhver verðlaun endilega gera það, bara skemmtilegar að hafa einhver verðlaun.
Hendi hérna inn nokkrum myndum til að rifja upp síðasta mót, látum myndirnar tala sínu máli.
Skrifað í 1, Skemmtun | 15 ummæli »
Í gærkvöldi öttu Metrómenn kappi við Áreitni, og höfðu betur 6-3. Þessi sigur var kærkominn, enda langt síðan við unnum leik eftir brösótt sumar.
Snemma í leiknum sást hvert stefndi, og eftir 10 mínútna leik eða svo prjónaði Kjartan sig í gegnum hálfa vörn Áreitnis og skaut síðan af stuttu færi framhjá markverði þeirra og staðan því 1-0. Glæsilegt mark, það fyrsta af nokkrum.
Annað markið kom stuttu síðar og um það sá Kiddi, sem hefur verið áskrifandi að mörkum hjá okkur í sumar. Eftir að hafa leikið vörn þeirra grátt, setti hann boltann laust og örugglega í hornið.
Þriðja markið var mjög áþekkt því fyrsta, þar sem nú var komið að Hjörvari að prjóna sig í gegnum hálfa vörnina og hamra síðan boltann í netið. Staðan í hálfleik, 3-0 var síst of stór, enda fengum við urmul af færum til að setja fleiri mörk á þá. Áreitnismenn aftur á móti fengu lítið meira en hálf-færi sem Gústi átti ekki í neinum teljandi vandræðum með og því hálfleikstölur síst of stórar.
Fljótlega eftir að dómarinn flautaði á seinni hálfleik, skoruðum við fjórða markið og var það kyntröllið hann Jakob sem setti þetta stórglæsilega mark. Það var meira að segja það stórglæsilegt, að það hafði viðkomu í varnarmanni þeirra Áreitnismanna áður en boltinn lá í netinu, við mikinn fögnuð Metrómanna á hliðarlínunni.
Næst var komið að þætti annars Jakobs á vellinum, eða þeim sem sá um flautuna. Sá ágæti maður hefur undarlega tilhneigingu til að reyna að jafna liðin inná vellinum hverju sinni, og var gærkvöldið engin undantekning. Með skömmu millibili dæmdi hann á okkur ekki eina heldur tvær vítaspyrnur, sem voru algerlega út í Hróa (Jónsson.) Þá fyrri dæmdi hann á Villa, eftir baráttu um stungu inn fyrir vörnina, þar sem Villi renndi sér “klín” í boltann, og kom honum frá. Mjög óskiljanlegur dómur, og lét Kobbi dómari hafa eftir sér að Villi togaði manninn niður í leiðinni. Gústi sá allavega um að réttlætinu væri fullnægt með því að verja spyrnuna stórglæsilega.
Seinni vítaspyrnuna dæmdi hann á Ottó, eftir klafs inni í teig þar sem að hann og sóknarmaður flæktust saman við fyrirgjöf inní teig. Engin skildi þarna neitt í neinu, nema Ottó, sem krafðist þess að fá gult spjald fyrir vikið, og reif sig úr bolnum til að innsigla það. Skammt er frá því að segja að honum varð við þeirri bón og í þetta skiptið tókst Gústa ekki jafnvel upp, og fengu þeir sitt fyrsta mark, úr annarri vítaspyrnutilraun, á silfurfati. Í kjölfarið fengu þeir aðra sókn skömmu síðar og settu inn mark eftir gegnumbrot frá hægri og þeir farnir að eygja á möguleika í leiknum.
Næstu mínútur sóttu bæði lið, en fimmta markið okkar kom eftir hornspyrnu eða fyrirgjöf úr horninu, þar sem Finnur, sem spilaði á miðjunni í dag, sveiflaði fætinum í átt að boltanum, með púra varnartilburðum að koma boltanum frá sér með öllum tiltækum ráðum, og sjanghæaði boltann með hnénu og inn fór boltinn. Sannur varnarmaður þarna á ferð. Í kjölfarið fá Áreitnismenn svo þriðja markið sitt eftir eitthvað fát á vörninni okkar.
Sigurinn var svo innsiglaður ca. 10 mínútum fyrir leikslok þegar Hjörvar sendi stungu inn fyrir vörn Áreitnismanna, þar sem Kiddi hljóp örugglega af sér varnarmann og skoraði sitt annað mark í leiknum og alveg örugglega sitt 12. eða 13. mark í sumar. Lokastaðan því 6-3 fyrir okkur, og síst af stór þar sem við fengum helling af færum sem við áttum að klára.
Allt liðið var að hafa gaman af boltanum í gær og spiluðu eftir því. Talandinn var mikið betri en hann hefur verið í sumar, og ljóst að við höfum átt heilmikið inni eftir frekar dapurt sumar. Spilamennskan hjá okkur í sumar hefur einkennst af því að spila vel á móti toppliðunum án þess að fá neitt út úr þeim, og svo illa á móti “miðlungsliðunum.” Segi “miðlungsliðunum” innan gæsalappa vegna þess að þau geta á góðum degi unnið toppliðin nokkuð örugglega.
Framundan eru samt góðir tímar, golfmótið verður næstu helgi, og hvet menn til að skoða þráðinn hér fyrir neðan fyrir það. Einnig var Danni að tala um að halda pókermót fljótlega, sem ég held að sé alveg fín hugmynd. Svo auðvitað er einn leikur eftir, en hann er á móti SÁÁ næstkomandi þriðjudag.
Hver er annars þessi Danni?
Skrifað í Leikir | 17 ummæli »
Sælir drengir og til hamingju með sigurinn,pistill um leikinn kemur síðar.
Næst á dagskrá er hið árlega golfmót metromanna og verðið þið að melda ykkur hingað inn í dag ef þið ætlið að vera með, Gústi þarf að fá að vita hversu margir við erum og menn hafa daginn í dag til að ákveða sig skráningarfrestur rennur út í kvöld.
Kv. Hroi
Mæta:
Atli
Ágúst
Ásgeir
Baldur
Danni
Haffi
Hjörvar
Hrói
Kobbi
Kiddi
Ottó
Stefnir
Sævar
Viktor
Víðir
Halldór Svavar
Óli Þór
Óskar Atli
Skúli
ekki:
Finnur
Freysi
Hemmi
Kjartan
Raggi
Villi
Bjammi
Eyjólfur
Maggi
Snævar
Stebbi
hafa ekki svarað:
Andri
Hnikarr
Óli G.
1 Gestur
Skrifað í Félagið, Skemmtun | 32 ummæli »
Næstseinasti leikurinn okkar í sumar er á móti Áreitni á morgun mánudag klukkan 19:30 á Ásvöllum, mæting 45 mínútum fyrr.
Meldið ykkur hérna.
Skrifað í Leikir | 22 ummæli »
Sælir drengir þar sem að enski er að byrja aftur þá býður heilsu-og afþreyingarklúbburinn Metró ykkur að taka þátt í deildarkeppni á netinu eins og í fyrra.
Farið á http://fantasy.premierleague.com
Búið ykkur til lið og farið svo í leagues og setjið inn þennan kóða 1047712-188389
Gangi ykkur vel
Kv. Hrói
Skrifað í Annað, Félagið, Skemmtun | Engin ummæli »
Sælir drengir ég er nu ekki í neinu sérstöku stuði til að skrifa um síðasta leik en hér kemur það.
Það var góð mæting á leikinn sennilega sú besta í sumar og er það flott. Leikurinn byrjaði rólega og voru þeir meira með boltann en sköpuðu sér engin hættuleg færi. Það var svo um miðjan fyrri hálfleik að Viktor skoraði eftir frábæra rispu hjá Ragga upp kantinn og vorum við komnir verðskuldað yfir 1-0 og þannig var staðan í hálfleik. Eitthvað komum við rólegir inn í seinni hálfleikinn því ekkert gekk að ná upp spili, en eftir hreinsun út ur vörninni nelgdi Viktor boltanum fram á Kiddi sem að brunaði í gegn og skoraði. Síðan kom skrýtinn kafli hjá okkur svona eins og við værum á því að leikurinn væri búinn engin barátta og menn ragir í boltann, þeir minnka muninn með góðu skoti utan af velli og jafna síðan leikinn eftir að við náum ekki að hreinsa burtu úr vörninni sennilega 10 markið sem að við fáum þannig á okkur í sumar. Eftir þetta fengum við nokkur góð færi en náðum ekki að klára leikinn og 2-2 jafntefli staðreynd.
Dómarinn átti mjög slakan leik og leyfði Hómermönnum að komst upp með ótrúlega grófan leik og voru sumar tæklingarnar hjá þeim stórhættulegar og tilgangurinn var eingöngu að reyna að meiða andstæðinginn, þetta er grófasta liðið sem við höfum mætt það er á hreinu. Ég held að þeir ættu aðeins að hugsa sinn gang fáranleg spilamennska hjá sumum í þessu liði.
En annars ekki meira um þetta.
Æfing á miðvikudag á grasinu í Holtinu klukkan 20,30 því það dimmir fyrr 
Kv. Hrói
Viðbót:
Ég smellti af nokkrum myndum í upphafi leiks en það reyndist fljótt of dimmt til að mynda. Hópmyndatakan bíður betri og bjartari tíma. Allar myndir sem ég tók reyndust hreyfðar. Ákvað þó að setja inn smá sýnishorn. Kv. Baldur
Byrjum á Gústa sem var með stæla (út af myndavélinni) og splæsti í stórbrotna markvörslu:
Hjörvar barðist vel í leiknum og fórnaði sér fyrir liðið. Djöfullegri augu hef ég ekki séð.
Hemmi eða Alexander Petersson fékk dauðafæri en brást bogalistin:
Pjáturkarlinn mætti og varð gríðarlega vonsvikinn þegar Hómer jöfnuðu. Fór skælandi heim:
Víðir bauð upp á skemmtilegan svip:
Ég var afar í góðu sambandi við þá sem byrjuðu inná. Þeir voru sem hundar í bandi:
Gott feik hjá Ásgeiri. Þóttist ætla að hreinsa fram en setti boltann faglega í innkast:
Atli mætti ekki. Var að jafna sig eftir stífa (beinstífa) þjálfun á Spáni. Jón Þormar náði þessari munúðarfullu mynd af kauða:
Kv. Baldur
Skrifað í Leikir, Æfing | 24 ummæli »
Sælir drengir og takk fyrir góða æfingu í gær. Á æfingunni var ákveðið að fækka æfingum niður í eina á viku og reiknum við með að æfa í grafarholtinu, spurning um hvort að við eigum ekki að vera þá á fimmtudögum þar sem leikir eru oftast á mánudögum og sunnudögum.
Annars er næsti hittingur bara á mánudagskvöld en þá eigum við leik við Hómer á Ásvöllum klukkan 21 og vonandi náum við góðum hóp í þessi lokaátök og klárum magurt sumar með stæl.
Stefnt er að hafa golfmótið 22. ágúst og er sá tími flottur, passar vel á milli leikja, svo er spurning um að menn fari að leggja höfuð í bleyti fyrir einhver verðlaun á golfmótinu og fara að hugsa til lokahófs, spurning um að stofna einhverja lokhófsnefnd???? hvað segja menn um þetta. Endilega kommenta eitthvað á þetta.
Kv. Hrói
Skrifað í 1 | 37 ummæli »
Sælir drengir og velkomnir aftur heim þið sem fóruð eitthvað um helgina.
Nú fer að síga á seinni hlutann af þessu tímabili og eigum við 3 leiki eftir sem að við ætlum að vinna að sjálfsögðu.
Golfmótið verður auglýst á næstu dögum svo fylgist vel með.
Annars er spurning um að hafa smá bolta í kvöld fyrir þá sem treysta sér og eigum við ekki að segjaað æfingin verði í grafarholti á grasvellinum.
Kv. Hrói
Já og Freyr hefur ákveðið að skipta um lið, við óskum honum góðs gengis með nýju liði og þökkum fyrir okkur.
Skrifað í 1 | 25 ummæli »
Við mættum velstemmdu liði Vatnalilja á Framvellinum í gær, við vorum mjög vængbrotnir þar sem stór hluti liðsins sá sér ekki fært að mæta til leiks og vorum við 13 þegar flautað var til leiks og Baldur kom síðan þegar hann var búinn að vinna. Njörður mætti til að vera á bekknum enda átt við meiðsli að stríða en varð að spila allan leikinn vegna manneklu og er skemmst frá því að segja að hann átti stórleik.
Byrjunarlið:
Gústi
Villi Finnur Víðir Hrói
Njörður
Kobbi Hemmi Raggi Viktor
Kiddi
Bekkur:
Otto
Ásgeir
Baldur
Við lögðum upp með að verjast og fá ekki mark á okkur, og reyna að finna Njörð eða Kidda í fætur og byggja sóknir okkar á því. Við byrjuðum leikinn vel og fór hann fyrstu 5 mín fram á vallarhelmingi andstæðinganna og var boltinn að fljóta vel á milli manna. En Vatnaliljurnar komust meira inn í leikinn og ég held að eftir hornspyrnu og mikið klafs í teignum þar sem okkur tókst ekki að koma boltanum út úr vörninni að boltinn féll fyrir fæturnar á einum Liljumanni og hann þrumaði honum inn frá markteig, skítamark og meigum við vera ákveðnari í þessa bolta í okkar teig. Seinna mark þeirra í fyrri hálfleik verður höfundur að taka á sig en ég hefði á að hreinsa boltann burtu en reyndi frekar að skýla sendingu frá þeim og ætlaði að láta boltann fara útaf en leikmaður þeirra vann boltann vel af mér og sendi fyrir og mark. Þeir fengu síðan nokkur hálffæri fyrir hlé en ekkert sem að Gústa var í vandræðum með. Við sköpuðum okkur enginn dauðafæri í fyrri hálfleik en fengum nokkrar hættulegar aukaspyrnur og horn. Ein ákvörðun dómarans í fyrri hálfl. var þó skrýtin þvi hann dæmdi bakhrindingu á eina liljuna fyrir að hrinda Kidda sem stóð 2 metra inní teig en hann dæmdi aukaspyrnu meter fyrir utan
Seinni hálfleikur var mikil barátta og gekk boltinn liða á milli og skiptust þau a að hafa boltann á þess að skapa sér einhver dauðafæri. Kiddi hélt áfram að djöflast í varnarmönnunum allan leikinn og áttu þeir í mesta basli með kallinn en hann átti stórleik að vanda.
Þegar um 10 mín voru eftir var staðan 2-0 og mikil barátta í gangi, það var þá sem að góður markvörður liljumanna fór í skógarferð út í Kidda og vann boltann, boltinn barst út á Ragga sem sendi fyrir markmannslaust markið og þar kom Grjótnespungurinn Kobbi og vippaði yfir varnarmennina sem voru komnir á línuna gott mark. Stuttu síðar fékk Kiddi sendingu fram að vítateig og prjónaði hann sig í gegn og jafnaði leikinn, frábært mark hjá honum. Það voru síðan um 2 mín eftir þegar Kiddi fekk boltann á miðjum vallarhelmingi þeirra og tætti vörnina í sig komst einn í gegn og var felldur fyrir utan vítateig og sé sem gerði það fékk rautt en bjargaði sennilega stigi fyrir þá.
Frábær karakter hjá liðinu að koma til baka og jafna leikinn og er þetta eitthvað sem að við byggjum á í næstu leikjum. Allir stóðu sig vel og verður enginn tekinn sérstaklega fyrir en vil þó minnast á þátt Ásgeirs og Baldurs í þessum leik, en Ásgeir var meiddur en kom til að gefa mönnum 5 mín hvíldir í leiknum og Baldur kom beint úr vinnu og tók mikilvægar mínútur og mættu margir sem eru í þessum hópi taka þá til fyrirmyndar.
Þökkum Vatnalijunum fyrir fínann leik og eru þeir eitt skemmtilegasta liðið sem við höfum spilað við í sumar.
Annað mál, leikmannamál. Það er ljóst að margir í þessum hópi verða að fara að taka sig saman í andlitinu og fara að ákveða hvort þeir ætla að vera með eða ekki. það eru 3 leikir eftir og ætlum við að vinna þá. En þetta er farið að verða frekar þreytandi hvað fáir mæta á æfingar og hvað fáir eru að láta vita á síðunni. Við fórum af stað með stórann hóp í sumar en mætingin hefur verið rosalega slök og margir sem voru í hópnum varla sést í sumar og lítið vitað um hvað þeir ætla að gera. Þetta er hundleiðinlegt fyrir þessa sem eru að reyna að vera í þessu af einhverjum krafti og það er alltaf sami hópurinn. Nú væri bara fínt ef að menn sem sögðust í byrjun sumars ætla að vera með fari að láta vita hvað þeir ætla að gera því að það er alveg spurning um að fjölga í hópum um 3-5 til að ná í lið á æfingar og leiki. Nokkrir hafa látið vita að þeir yrðu mikið uppteknir eins og t.d Danni en við reiknum með honum í síðustu 3.
Koma svo drengir reynum að rífa þetta upp og látið endilega vita ef að þið hafið ekki tíma eða áhuga til að vera með og þá getum við fengið aðra sem vilja vera með, en ekki þykjast ætla vera með og mæta aldrei það er bara lélegt.
Og annað mál við erum með vefsíðu til að tjá okkur um æfingar, leiki og aðra hluti og það er fáranlegt að það þurfi alltaf að senda út sms til að menn drullist í tölvuna og kommenti.
Metrokveðjur Hrói
Skrifað í 1, Annað, Félagið, Leikir | 28 ummæli »
