Minni menn á 4 umferð í fantasy….

Svo er einnig spurningin um lokahóf, menn virðast forðast þá umræðu:)

Sælir drengir
Nú er spurningin með lokahóf er einhver sem býður sig fram í nefnd.
Ég skora á Skúla að koma sterkur inní það.

Nokkrir hafa líst yfir áhuga á bolta núna í vetur:
Hjörvar
Viktor
Baldur
Haffi
Danni

Fínt væri ef að fleir svöruðu svo hægt sé sð fara að athuga með húsnæði í vetur fyrir boltann.

Staðan í fantasy breyttist mikið í síðustu umferð og Trónir Baldur en á toppnum.

	Team	Manager	GW	Total
1	Séra Baldur	Baldur Gudmundsson	64	158
2	FC Over	jakob baldursson	51	136
3	FC KVJ	Kristinn Jóhannsson	40	132
4	Yonex	Magnús Helgason	31	129
5	Skulinn	Skúli Sigurðsson	46	128
6	Bakkó City	Hafþór Elíasson	35	123
7	Bakkó City	Stefnir Elíasson	43	122
7	Skratli FC	Oskar Runarsson	42	122
9	Forza Hroi	Hróar Jónsson	36	116
10	Heggem	Bjartmar Dadason	54	112
11	Gondar FC	Eyjólfur Kolbeins	34	111
12	Gunners FC	Daniel Jóhannsson	36	107
13	AC BC	Atli Sveinn Jónsson	27	99
14	mun-rust-essu utd	Saevar Strom	38	86
15	FC Besefi	Hjörvar Jónsson	12	86
16	Starks	Ágúst Jensson	40	80

Kv. Hrói
P.s og fyrir þá sem eru í Herbalife átaki þá er mælingarkvöld heima hjá mér á miðvikuagskvöldið klukkan 21, þeir sem hafa áhuga á að kynna sér þetta betur er líka velkomnir, frábær árangur hjá þeim sem eru komnir á vöruna.

Jæja þá er þessu boltasumri lokið og er ljóst að við getum gert betur en þetta og það verður bara gert næsta sumar.

Golfmótið var algjör snilld og gaman var að sjá gamla metrómenn og velunnara metró spreyta sig með kylfurnar, enginn mætti með myndavél þannig að því miður Hnikarr. Skemmst er að segja að Eyjólfur og Víðir unnu mótið í ár og til hamingju með það.

Næst á dagskrá er síðan að slútta þessu almennilega með lokahófi og er spurning um hvort einhverjir bjóði sig fram í að sjáum það, veit að Kiddi er til :), þeir ákveða dagsetningu og dagskrá.

Svo er líka spurning hvort menn vilji halda áfram að æfa í vetur og þá þarf að fara að hafa hraðar hendur í að fá einhversstaðar tíma, kannski Danni getið sofið hjá einhverjum í Egilshöll Eru einhverjir sem vilja æfa í vetur eða eru einhverjir sem vilja bara byrja um áramót????
Spjöllum um þetta.

Kv. Hrói

Leikur næstkomandi þriðjudag við SÁÁ á Ásvöllum klukkan 21:00, mæting 45 mínútum fyrr.

Meldið ykkur hér.

Sælir drengir þá er komið að því. Hið frábæra golfmót Metro verður á föstudaginn og fer fyrsti ráshópur af stað klukkan 18.00 og er mæting því ekki seinna en 17.30. Gott væri ef að einhver gæti mætt klukkan 17.00 til að hjalpa Gusta við að raða i lið. Snyrtilegur klæðnaður er skylda. SMÁ BREYTING MÓTSGJALD ER 1500. kr OG  FER UPPÍ VEITINGAR OG VERÐLAUN.

Þessir hafa skráð sig til leiks, ef einhverjar breytingar hafa orðið vinsamlegast látið vita.

Atli Sveinn

Ágúst Vallarstjóri

Baldur

Danni

Haffi

Hjörvar

Hrói

Kobbi

Kiddi (last years winner)

Stefnir

Sævar

Viktor

Víðir

Halldór Svavar

Óli þór

Óskar Atli

Glæsileg mæting, þeir sem eiga þess kost að koma með einhver verðlaun endilega gera það, bara skemmtilegar að hafa einhver verðlaun.

Hendi hérna inn nokkrum myndum til að rifja upp síðasta mót, látum myndirnar tala sínu máli.

Í gærkvöldi öttu Metrómenn kappi við Áreitni, og höfðu betur 6-3. Þessi sigur var kærkominn, enda langt síðan við unnum leik eftir brösótt sumar.

Snemma í leiknum sást hvert stefndi, og eftir 10 mínútna leik eða svo prjónaði Kjartan sig í gegnum hálfa vörn Áreitnis og skaut síðan af stuttu færi framhjá markverði þeirra og staðan því 1-0. Glæsilegt mark, það fyrsta af nokkrum.

Annað markið kom stuttu síðar og um það sá Kiddi, sem hefur verið áskrifandi að mörkum hjá okkur í sumar. Eftir að hafa leikið vörn þeirra grátt, setti hann boltann laust og örugglega í hornið.

Þriðja markið var mjög áþekkt því fyrsta, þar sem nú var komið að Hjörvari að prjóna sig í gegnum hálfa vörnina og hamra síðan boltann í netið. Staðan í hálfleik, 3-0 var síst of stór, enda fengum við urmul af færum til að setja fleiri mörk á þá. Áreitnismenn aftur á móti fengu lítið meira en hálf-færi sem Gústi átti ekki í neinum teljandi vandræðum með og því hálfleikstölur síst of stórar.

Fljótlega eftir að dómarinn flautaði á seinni hálfleik, skoruðum við fjórða markið og var það kyntröllið hann Jakob sem setti þetta stórglæsilega mark. Það var meira að segja það stórglæsilegt, að það hafði viðkomu í varnarmanni þeirra Áreitnismanna áður en boltinn lá í netinu, við mikinn fögnuð Metrómanna á hliðarlínunni.

Næst var komið að þætti annars Jakobs á vellinum, eða þeim sem sá um flautuna. Sá ágæti maður hefur undarlega tilhneigingu til að reyna að jafna liðin inná vellinum hverju sinni, og var gærkvöldið engin undantekning. Með skömmu millibili dæmdi hann á okkur ekki eina heldur tvær vítaspyrnur, sem voru algerlega út í Hróa (Jónsson.) Þá fyrri dæmdi hann á Villa, eftir baráttu um stungu inn fyrir vörnina, þar sem Villi renndi sér “klín” í boltann, og kom honum frá. Mjög óskiljanlegur dómur, og lét Kobbi dómari hafa eftir sér að Villi togaði manninn niður í leiðinni. Gústi sá allavega um að réttlætinu væri fullnægt með því að verja spyrnuna stórglæsilega.

Seinni vítaspyrnuna dæmdi hann á Ottó, eftir klafs inni í teig þar sem að hann og sóknarmaður flæktust saman við fyrirgjöf inní teig. Engin skildi þarna neitt í neinu, nema Ottó, sem krafðist þess að fá gult spjald fyrir vikið, og reif sig úr bolnum til að innsigla það. Skammt er frá því að segja að honum varð við þeirri bón og í þetta skiptið tókst Gústa ekki jafnvel upp, og fengu þeir sitt fyrsta mark, úr annarri vítaspyrnutilraun, á silfurfati. Í kjölfarið fengu þeir aðra sókn skömmu síðar og settu inn mark eftir gegnumbrot frá hægri og þeir farnir að eygja á möguleika í leiknum.

Næstu mínútur sóttu bæði lið, en fimmta markið okkar kom eftir hornspyrnu eða fyrirgjöf úr horninu, þar sem Finnur, sem spilaði á miðjunni í dag, sveiflaði fætinum í átt að boltanum, með púra varnartilburðum að koma boltanum frá sér með öllum tiltækum ráðum, og sjanghæaði boltann með hnénu og inn fór boltinn. Sannur varnarmaður þarna á ferð. Í kjölfarið fá Áreitnismenn svo þriðja markið sitt eftir eitthvað fát á vörninni okkar.

Sigurinn var svo innsiglaður ca. 10 mínútum fyrir leikslok þegar Hjörvar sendi stungu inn fyrir vörn Áreitnismanna, þar sem Kiddi hljóp örugglega af sér varnarmann og skoraði sitt annað mark í leiknum og alveg örugglega sitt 12. eða 13. mark í sumar. Lokastaðan því 6-3 fyrir okkur, og síst af stór þar sem við fengum helling af færum sem við áttum að klára.

Allt liðið var að hafa gaman af boltanum í gær og spiluðu eftir því. Talandinn var mikið betri en hann hefur verið í sumar, og ljóst að við höfum átt heilmikið inni eftir frekar dapurt sumar. Spilamennskan hjá okkur í sumar hefur einkennst af því að spila vel á móti toppliðunum án þess að fá neitt út úr þeim, og svo illa á móti “miðlungsliðunum.” Segi “miðlungsliðunum” innan gæsalappa vegna þess að þau geta á góðum degi unnið toppliðin nokkuð örugglega.

Framundan eru samt góðir tímar, golfmótið verður næstu helgi, og hvet menn til að skoða þráðinn hér fyrir neðan fyrir það. Einnig var Danni að tala um að halda pókermót fljótlega, sem ég held að sé alveg fín hugmynd. Svo auðvitað er einn leikur eftir, en hann er á móti SÁÁ næstkomandi þriðjudag.

Hver er annars þessi Danni?

Sælir drengir og til hamingju með sigurinn,pistill um leikinn kemur síðar.

Næst á dagskrá er hið árlega golfmót metromanna og verðið þið að melda ykkur hingað inn í dag ef þið ætlið að vera með, Gústi þarf að fá að vita hversu margir við erum og menn hafa daginn í dag til að ákveða sig skráningarfrestur rennur út í kvöld.

Kv. Hroi

Mæta:
Atli
Ágúst
Ásgeir
Baldur
Danni
Haffi
Hjörvar
Hrói
Kobbi
Kiddi
Ottó
Stefnir
Sævar
Viktor
Víðir
Halldór Svavar
Óli Þór
Óskar Atli
Skúli

ekki:
Finnur
Freysi
Hemmi
Kjartan
Raggi
Villi
Bjammi
Eyjólfur
Maggi
Snævar
Stebbi

hafa ekki svarað:
Andri
Hnikarr
Óli G.
1 Gestur

Næstseinasti leikurinn okkar í sumar er á móti Áreitni á morgun mánudag klukkan 19:30 á Ásvöllum, mæting 45 mínútum fyrr.

Meldið ykkur hérna.

Sælir drengir þar sem að enski er að byrja aftur þá býður heilsu-og afþreyingarklúbburinn Metró ykkur að taka þátt í deildarkeppni á netinu eins og í fyrra.
Farið á http://fantasy.premierleague.com

Búið ykkur til lið og farið  svo í leagues og setjið inn þennan kóða 1047712-188389

Gangi ykkur vel
Kv. Hrói

Sælir drengir ég er nu ekki í neinu sérstöku stuði til að skrifa um síðasta leik en hér kemur það.

Það var góð mæting á leikinn sennilega sú besta í sumar og er það flott. Leikurinn byrjaði rólega og voru þeir meira með boltann en sköpuðu sér engin hættuleg færi. Það var svo um miðjan fyrri hálfleik að Viktor skoraði eftir frábæra rispu hjá Ragga upp kantinn og vorum við komnir verðskuldað yfir 1-0 og þannig var staðan í hálfleik. Eitthvað komum við rólegir inn í seinni hálfleikinn því ekkert gekk að ná upp spili, en eftir hreinsun út ur vörninni nelgdi Viktor boltanum fram á Kiddi sem að brunaði í gegn og skoraði. Síðan kom skrýtinn kafli hjá okkur svona eins og við værum á því að leikurinn væri búinn engin barátta og menn ragir í boltann, þeir minnka muninn með góðu skoti utan af velli og jafna síðan leikinn eftir að við náum ekki að hreinsa burtu úr vörninni sennilega 10 markið sem að við fáum þannig á okkur í sumar. Eftir þetta fengum við nokkur góð færi en náðum ekki að klára leikinn og 2-2 jafntefli staðreynd.
Dómarinn átti mjög slakan leik og leyfði Hómermönnum að komst upp með ótrúlega grófan leik og voru sumar tæklingarnar hjá þeim stórhættulegar og tilgangurinn var eingöngu að reyna að meiða andstæðinginn, þetta er grófasta liðið sem við höfum mætt það er á hreinu. Ég held að þeir ættu aðeins að hugsa sinn gang fáranleg spilamennska hjá sumum í þessu liði.
En annars ekki meira um þetta.
Æfing á miðvikudag á grasinu í Holtinu klukkan 20,30 því það dimmir fyrr

Kv. Hrói

Viðbót:
Ég smellti af nokkrum myndum í upphafi leiks en það reyndist fljótt of dimmt til að mynda. Hópmyndatakan bíður betri og bjartari tíma. Allar myndir sem ég tók reyndust hreyfðar. Ákvað þó að setja inn smá sýnishorn. Kv. Baldur

Byrjum á Gústa sem var með stæla (út af myndavélinni) og splæsti í stórbrotna markvörslu:

Hjörvar barðist vel í leiknum og fórnaði sér fyrir liðið. Djöfullegri augu hef ég ekki séð.

Hemmi eða Alexander Petersson fékk dauðafæri en brást bogalistin:

Pjáturkarlinn mætti og varð gríðarlega vonsvikinn þegar Hómer jöfnuðu. Fór skælandi heim:

Víðir bauð upp á skemmtilegan svip:

Ég var afar í góðu sambandi við þá sem byrjuðu inná. Þeir voru sem hundar í bandi:

Gott feik hjá Ásgeiri. Þóttist ætla að hreinsa fram en setti boltann faglega í innkast:

Atli mætti ekki. Var að jafna sig eftir stífa (beinstífa) þjálfun á Spáni. Jón Þormar náði þessari munúðarfullu mynd af kauða:

Kv. Baldur